محاورة قلطه مميزه بين الرياحي وبن جدلان
- محاورات عرضه مجالسي قلطه
- 15/12/2020
- 1284
- منقول للفائده
هذه المحاوره دارت احداثها بين شعراء من اكبر شعراء المملكه والخليج بصفه عامه يعني من عمالقة الشعر الشاعر فيصل الرياحي رحمه والشاعر سعد بن جدلان رحمه الله موقع المحاوره في منطقة بيشه وتعتبر من اورع محاورات القلطه .
***
فيصل الرياحي البقمي
***
سلام الله على بيشه وابن شكبان والرمثين
وشهران اجمعيـن ومـن حضـر مليـون تسليمه
علومك ياسعد مثل البروق اتهيض السارين
وهذي ليلةٍ فيها ذهـب صافـي وتعليمـه
***
بن جدلان الاكلبي
***
هلا يامرحبا بك بالنيابه في المقام الزيـن
عن ابن حزام ونيابه عن اهل الجاه والقيمه
علومي يالرياحي ميمنيه دام الطريق ايمين
مغاتير الكـلام مقلطاتـاً عـن مجاهيمـه
***
فيصل الرياحي البقمي
***
ياليت الامر بيديني واحطك ريس البحرين
وتبلش بالرياسه والشعر تترك مناضيمه
مجاهيم القوافي ماجلبناها علـى الغاليـن
جلبنا كلمةٍ تضفي بياض الوجه والشيمـه
***
بن جدلان الاكلبي
***
تحدث يالرياحي بالصراحه لاحيا فـي الديـن
عصاتي في يميني والمسامه في ظهر ريمـه
لوانك في الجبيل وفي الحسا سموك ابو عينين
وعينٍ تسبر البـارق وعيـنٍ تسبـر الديمـه
***
فيصل الرياحي البقمي
***
ترى ريمه سريعه ماتجامل مع حسن وحسين
ليا قالوا ياابن جدلان قالـت وش مراسيمـه
عساك الفارس اللي ما يفلي مع رعاة الضين
وعندك شور ينجح عند تاخيـره وتقديمـه
***
ابن جدلان الاكلبي
***
تعدوا للديـار ام الفواكـه والعنـب والتيـن
ياابن منصور يوم العيد يعرف مـن تقاديمـه
لو انك تعرف اعبيد العلي والا الشريف حسين
خذيت بنجد تعتيمـه وفـي جيـزان تعتيمـه
***
فيصل الرياحي البقمي
***
بساتين الفواكه دونها الرشاش والسيفيـن
دخلناها نهار الله عطانـا مـن مقاسيمـه
بلشت براس واحد كيف لو انك معك راسين
على مركاك ياوافي ولالك هم مـن شيمـه
***
بن جدلان الاكلبي
***
مادام الرايه الخضرا ترفرف في عمود الدين
عسى ربي يزيد الخير وايهنيكـم انعيمـه
تراهم في السنه عشرين عيد وعيدها عيدين
وحنا ياعيال كليـب مانرضـى بترهيمـه
***
فيصل الرياحي البقمي
***
يقولون القصيده ماتزيـن الا علـى حرفيـن
لكن احجارة المبدا ماهيب ستـارة الخيمـه
اصدق من يجيب العلم لو شارون ابو وجهين
واكذب من ينجم لو يصدق بعـض تنجيمـه
***
بن جدلان الاكلبي
***
انا بيني وبينك يالرياحي بتخـرب اللحيـن
تبي تقشع جبـال عندنـا راسـيه ومقيمـه
لاجينا السوق غالي نجلب الغالي على الغالين
ولايخلـف موازيـن الكـلام الا مفاهيـمـه
عدد المقيّمين 2 وإجمالي التقييمات 4
أضف تعليقك على الموضوع