الكلمة اللي وقعها مثل السهم

الكلمة اللي وقعهـا مثـل السهـم

ياليتهـا علـى ولاهـا طـايـره

بين الحنايا تلتهـب مثـل الحمـم

لاهي بلا زينـة ولاهـي سايـره

خليتها حسـب العوايـد والقيـم

وأنـا رجـل ولا التفـت للبايـره

يبقى عزيز القوم ويـروح الألـم

وتهدى الجموع اللي بصدري ثايره

الرجل لـو بيتبـع سقـاط الكلـم

مكاسبـه راحـت بهـا خسايـره

ماكل من مر اللغـم ثـار اللغـم

ماثوره كـود الحمـول الجايـره

أحياناً اسمع وانصقه مثل الأصـم

حتى تعدانـي لهـا فـي عايـره

ماهو مهـم اردهـا بـس الأهـم

إني ماثـور فـي خويـي ثايـره

وإن عادها عـز الله إنـه ماسلـم

ليّـه لسـانٍ تلتهـب شفـايـره

اسوقهـا يمـه ولا ألحقهـا نـدم

لو جت على سفك الدمي الفايـره

انـا لسانـي لا خـلا ولا اعـدم

يذود ذود الحـر عـن عشايـره

احيان لو جيت الجمـه ماينلجـم

حرٍ يصارع لـه جمـوعٍ غايـره

غـارة جمـوعٍ ماتـدور للبهـم

تبغى بكارٍ فيها الأنفـس حايـره

ارداهن اللي ماتثور مـن الشحـم

واطيبهن اللي مثل ضلع الصايـره

وقف لهم وقفه على سـاق وقـدم

ساقٍ عسـى ماتنحـزم جبايـره

ماراح حقه يوم جـوه ولا انهـزم

ولا اكسبوا غير الطعون الغايـره

يضرب صياصيهم وسيفه مانثلـم

دارت عليهـم والدوايـر دايـره

يعني ولا اطلق شنب بيـن الامـم

يبيـح مكنـونـه ولا سـرايـره

هذا الشجاع اللي ليا منـه احتـدم

لـو ينعمـي ماتنعمـي بصايـره

وأنـا لسانـي لا خـلا ولا عـدم

يذود ذوده كـان عـدت البايـره

عدد المقيّمين 0 وإجمالي التقييمات 0